eskeine legorburu, 2009-06-14.
Trigoi taldeak gaztetxoei zuzendutako triatloi probak antolatu ditu Altamira auzoan, kirol mota hori ezagutarazteko.
Beroari aurre eginez egin zuten atzo berrehun haur inguruk beraien lehen triatloia. Goierriko Trigoi triatoilari taldeak antolatuta Ordizian ospatu zen atzo haurrei zuzendutako lehen triatloi proba Altamiran.
Beroari aurre eginez egin zuten atzo berrehun haur inguruk beraien lehen triatloia. Goierriko Trigoi triatoilari taldeak antolatuta Ordizian ospatu zen atzo haurrei zuzendutako lehen triatloi proba Altamiran.
Helduen antzera, igerian, txirrinduan eta lasterka aritu behar izan ziren parte-hartzaileak. Benjaminek 50 metro egin zituzten igerian, kilometro bat txirrinduan eta 300 metro korrika. Alebinek igerian 100 metro egin zituzten, bi kilometro txirrinduan eta 700 metro korrika. Infantilek 150 metro igerian, hiru kilometro bizikleta gainean eta 1100 metro lasterka. Kadeteek aldiz 200 metro igerian, lau kilometro txirrinduan eta 1500 metro lasterka.
Proba denak Altamirako kirol gunean egin zituzten: kanpoko igerilekuan (atzo zabaldu zuten bainu denboraldia), atletismo pistan eta futbol zelai atzeko kaleetan.
TRIATLOIA SUSTATZEKO PROBA
Probaren helburuetako bat eskualdean triatloia bultzatzea zen, Jon Aranburu Trigoi taldeko kideak adierazi duenez. «Eta, bide batez, eskualdean triatloietan parte hartzen duen talde bat dagoela jakinaraztea ere bai».
Gazteen artean triatloia «zer den» erakutsi nahi izan zuten Trigoiko kideek. «Horretarako modurik egokiena proba bat antolatzea iruditu zaigu. Gaztetxoek zein gurasoek kirol honen nondik norakoak ezagututa etorkizunean triatloirako grina piztu nahi diegu, kirol indibiduala izanagatik oso kirol konpletoa delako».
Garbi geratu zen atzo Ordizian triatloiak etorkizun oparoa izan dezakeela eskualdean, hasierako pronostiko guztiak apurtuz uste baino askoz ikasle gehiagok eman baitzuen izena. «Proba antolatu genuenean berrogei parte-hartzaile inguru etorriko zirela espero genuen, baina azkenean 225ek eman duten izena». Eskualdez kanpoko ikastetxeetatik ere jaso dute proban parte hartzeko eskaera; «baina horrenbeste parte-hartzaile izanda, azkenean eskualdeko ikasleek bakarrik partehartu ahal izan dute».
Goierriko bederatzi ikastetxeko (Beasaingo Alkartasuna Lizeoa, La Salle eta Loinazpe, Ordiziako Jakintza, Urdaneta eta Oianguren, Lazkaoko San Benito, Ataungo Joxe Migel Barandiaran eta Legorretako Ugaro) 167 ikaslek parte hartu zuten. Esfortzua saritzeko opariz betetako poltsa eraman zuten etxera denek.
BALORAZIO POSIRTIBOA
Proba amaituta, aste honetan zehar egingo dute Trigoi taldeko kideek balorazio orokorra, datozen urteetan egin beharreko hobekuntzak aztertuz. Jarraitu, jarraituko dutelako. Hala ere, atzo eguerdian parte-hartzaileen, gurasoen eta antolatzaileen balorazioa oso positiboa zela aurreratu zuen Aranburuk. «Probaren amaieran hainbat gurasok eskerrak eman dizkigute antolaketa onagatik, eta gaztetxoak ere pozik ikusi ditugu». Antolatzaileak ere gustura, atzo Ordizian ereindako haziarekin.