GH, 2007-10-12, Maider Del Olmo.
Hawaiko Ironman proban parte hartuko du bihar Goierri Triatloi Taldeko Eneko Elosegi beasaindarrak.
Hawaiko Ironman proba, munduko entzutetsuena, bihar jokatuko da, eta Goierri Triatloi Taldeko Eneko Elosegik (Beasain, 1983) bertan parte hartuko du. Abuztuaren 19ko Ironman England-en lortu zuen sailkatzea, 9:51:35ko denborarekin. Bihar 3,8 kilometro igerian, 180 kilometro bizikletan eta maratoia korrika (42,2 km) egin beharko ditu. Hawaitik erantzun ditu galderak.
- Noiz iritsi zinen Hawaira?
Urriaren 4an iritsi nintzen, 36 orduko bidaia eta gero. Egia esan, Ironman-a ez da datorren larunbatekoa [biharkoa], Hawaira iristea baizik. Bastante luzea egiten da bidaia.
- Ondo egokitu al zara?
Lehenengo egunak nahiko arrarok izan dira. Hasteko 12 orduko aldaketa,eta bereziki bertako beroa eta hezetasuna. Lehenengo egunetan asko kostatzen da kirola egitea. Hawai asko gustatu zait, toki ederra da, baina aste honetan mugimendu asko dago eta egunero, orduro, ikus dezakezu jendea bizikletan, korrika... Jendea egunero lehiatzen ari dela ematen du, lasterketa arropekin, sekulako bizikletekin, denak emozionatuta. Bestela, egunak oso azkar pasatzen dira eta konturatzerako lasterketa hor dago. Arreta gehiena erakarri didana bertan dabilen haizea da; ez nuen espero horrenbestekoa izatea.
- Probarako nola ari zara entrenatzen? Kontatu zure eguneroko entrenamendu saioa.
Normalean nahiko goiz jaikitzen gara, goizeko seietarako eguzkiak ondo berotzen du. Entrenatu, egia esan, aste honetan ez dago asko entrenatzeko, gehienbat klimara moldatu eta egunean kirol bat edo bi egiten ditut. Goizean goiz igeriketa saio arin bat eta ondoren pare bat ordu bizikletan edo 30 minutu korrika eginda nahikoa da.
-Urduri zaude probagatik?
Egia esan nahiko lasai nago. Lasterketan disfrutatzeko nago, aspalditik etorri nahi nuen toki batean. Ez nago batere urduri; agian lasterketa egunean bai, baina hori segituan pasatzen da.
- Zein da zure helburua?
Ahalik eta gehien disfrutatzea. Aspalditik jarraitzen nuen proban nago, eta bertan egotea amesten nuena. Hemen nago eta momentu bakoitza topera disfrutatzea da helburua. Are gehiago, duela hilabete gutxi nola nengoen ikusita.
- Zein da gehien gustatzen zaizun kirola?
Bizikleta, dudarik gabe. Triatloietan hasi aurretik bizikletan ibiltzen nintzen, eta bertan sentitzen naiz gustuen. Hirugarren urtea dut triatloian, eta pixkanaka igerian eta korrika gusturago sentitzen nahiz.
- Ez duzu lehenengo Ironmana, hala ere.
Bigarrena izango da. Hiru urte daramatzat triatloian, baina egia esan oso lasterketa gutxi korritu ditut. Batik bat azken orduan lesionatu naizelako. Apiril honetan Ikerrekin eta Jonekin Arizonako Ironmana egitera joan ginen. Han, lasterketa baino hiru egun lehenago, gaixotu egin nintzen. Lasterketan irten nintzen baina azkenean medikuen dendan bukatu nuen. Harrezkero dexenteko arantza nuen Ironman probarekin. Medikuarengana joan ondoren Zitomegalobirus delako birus bat nuela esan zidan. Hiru hilabetez jota utzi ninduen, eta kirolik egin gabe. Egia esan nahiko gaizki pasatu nuen. Ekainaren bukaeran zerbait entrenatzen hasi nintzen eta sei aste geroago Ingalaterrako Ironmanean nengoen. Helburua bukatzea zen, arantza ateratzea;eta zortea izan nuen, nire mailan irabazi eta sari handi hau jaso bainuen.
- 'Ironman' deitzen dizuete. Edozer agoantatu dezakeelako zuen gorputzak?
Ez dut uste. Nire gorpuztak behintzat ez. Ez dakit horregatik den, baino nire ustez badira kirol gogorragoak. Nire ustez, fisikoki ondo egotea baino garrantzitsugoa da mentalki fuertea izatea kirol honetarako. Dena den, ondo entrenatutako gorputz batek jendeak uste baino gehiago agoanta dezake.
- Hawaikoaren ondoren, zein helburu gehiago dituzu buruan?
Lehendabizi larunbatean [bihar] ahalik eta gehien disfrutatu, ondo edo gaizki egin beti edukiko dut gogoan eta. Ondoren pizza handi bat jan... Hortik aurrera ez dut oraingoz beste helbururik.
Días pasados se celebraba en Orduña una nueva edición del más que duro duatlón de montaña, al que acudieron varios deportistas de la villa de Goierri Triatloi Taldea.
Un nuevo hombre de hierro beasaindarra, componente de Goierri Triatloi Taldea, dejaba alto el pabellón, en esta ocasión en el Ironman celebrado en Hawai, el pasado sábado.
