Triatloia Orain arte Eneko Llanosek soilik egindako balentria zen proba ofizial batean lehen hamarretan sartzea.
Eneko Elosegi triatloilari beasaindarrak egundoko balentria lortu zuen duela hiru aste Txinako Ironmanean seigarren postua lortuta. Proba ofizial batean aurreneko hamar postuetan sailkatzea lortu duen bigarren triatloilari euskalduna da Elosegi. Eneko Llanos zen orain arte horren gorenera ailegatu izan den bakarra, eta inguruko lurraldeetan ere ez dira asko izan hori egiteko gai izan direnak.
Gogorra izan zen oso Txinako Ironmana, bai kirolarien mailarengatik eta baita bertako eguraldiaren baldintzengatik ere. Luke McKenzie izan zen hasieratik bukaerara lasterketa kontrolatu zuena. Igeriko eta txirrinduko proba bukatuta 11 minutu pasako aldea ateratzen zion bigarren sailkatu zen Major hungariarrari. Elosegi bikain ibili zen bizikletan, Majorrengatik 8 minutura iritsiz. Maratoia 34 gradupean jokatu zen, eta 4. jartzea lortu bazuen ere azkenean 6. postuan bukatu zuen.
Eneko Elosegik iaz lortu zuen Gipuzkoako markaren jabe egitea, Bartzelonako Ironmanean 8 ordu eta 53 minutuko denbora eginda.
